Тараптар келіссөздер өткізді, онда ауған министрі өзара сенім мен бірлескен жұмыстың аймақтағы тұрақтылық үшін маңыздылығын атап өтті.
Вице-премьер Серік Жұманғарин Ауғанстанды Қазақстанның Орталық және Оңтүстік Азиядағы негізгі серіктесі деп атады. Екі елдің ведомстволары қазір трансұлттық қылмысқа, есірткі бизнесіне және экстремизмге қарсы күрес мәселелерін пысықтап жатыр. Қазақстан тікелей байланысқа өтіп, ынтымақтастық туралы меморандумға қол қоюға дайын.
Бөлек тақырып кинологтарды оқыту болды. Қазақстан ІІМ Алматыда бес ауған маманын биыл дайындауды ұсынды, ал келесі жылы ауған тарапына бес қызметтік итті беруді жоспарлап отыр.
Сондай-ақ, ауған ІІМ-нің қарауындағы Мазари-Шарифтегі азот өндіру зауытын жаңғырту мәселесі талқыланды. Қазақстандық инженерлер кәсіпорынды қарап шықты. Келесі қадам — техникалық тексеру, жұмыс көлемін анықтау және құнын бағалау.
Кездесу қорытындысы бойынша тараптар одан әрі ынтымақтастыққа қызығушылық танытты. Олар ұзақ мерзімді жобаларды іске асыру үшін қауіпсіздік кепілдіктері, сенімді логистика және құқық қорғау органдарының жедел өзара әрекеті қажет екенін атап өтті.