ТЖМ қауіпсіздікті қамтамасыз ету үшін шаралар қабылданып жатқанын хабарлайды. Оперативтік штаб құрылды, азаматтық қорғау қызметтері орында жұмыс істеп жатыр. 8 (727) 279-22-32 ыстық желісі ашылды, оған төрт қоңырау түсті.
Ведомство деректері бойынша, аудандағы гидрологиялық жағдай әзірге тұрақты. Алматы ТЖД бөлімшелері, бақылау және хабарлау қызметі, сондай-ақ «Қазселезащита» бригадасы толық дайындық режиміне ауыстырылды және тәулік бойы мониторинг жүргізуде.
Қауіп жойылғаннан кейін тұрғындар үйлеріне орала алады. Оралу уақыты қосымша хабарланады.
Бұған дейін ТЖМ Алматы тауларында қатты жауын-шашын және сел ағындарының қалыптасу қаупі туралы ескерткен. Ауданда халықты хабардар ету жүйесі қосылды.
Құтқарушылар сабыр сақтауды, ресми хабарламаларды қадағалауды және қызметтердің ұсыныстарын орындауды сұрайды. Сондай-ақ, ауа райы жақсарғанға дейін Іле Алатау тауларына жорықтардан уақытша бас тартуға кеңес береді.