Жұмыстар Шымбұлақ шатқалындағы коммуникациялардың сенімділігін арттыру және нысандардың үздіксіз жұмысын қамтамасыз ету үшін жүргізіледі. Көлік қозғалысы уақытша шектеледі, бұл қауіпсіздікті қамтамасыз етуге және арнайы техниканың кедергісіз жұмыс істеуіне мүмкіндік береді.
Шатқал аумағындағы барлық туристік нысандар әдеттегі режимде жұмысын жалғастырады. Жедел қызмет көліктеріне, шатқал тұрғындарына және арнайы техникаға өту ашық қалады.
Жаяу қалай жетуге болады
Шымбұлаққа жаяу қол жеткізу сақталады. Балама ретінде әкімдік Студенттік соқпақты ұсынады. Ол «Медеу» бөгеті жанындағы № 12 және № 21 автобустардың соңғы аялдамасынан басталып, бөгеттің астынан өтіп, «Горельник» визит-орталығына апарады.
Маршрут топырақты соқпақпен, көтерілулермен өтеді, сондықтан ыңғайлы спорттық немесе треккинг аяқ киімін таңдаған жөн.
Қала тұрғындары мен қонақтарына сапарларды алдын ала жоспарлау, шектеулерді ескеру және жол белгілері мен реттеушілердің нұсқауларын орындау ұсынылады.