Салтанатты рәсімдер Қазақстан аймақтарында өтті. Министр су шаруашылығы қызметкерлерін жеке құттықтап, оларға медальдар, төсбелгілер, құрмет грамоталары мен алғыс хаттарын табыс етті.
«Еңбек ардагері» медалі 14 маманға, «Су шаруашылығының ардагері» медалі — жеті адамға тапсырылды. «Су шаруашылығының үздігі» төсбелгісімен 36 адам марапатталды. Құрмет грамоталарын 96 қызметкер алды, алғыс хаттар — 113.
— Құрметті су шаруашылығы саласының қызметкерлері мен ардагерлері! Сіздерді кәсіби мерекелеріңізбен шын жүректен құттықтаймын! Сіздер әрбір тамшы суды ел игілігіне қызмет етуге үлес қосасыздар. Бұл үлкен жауапкершілік пен жоғары кәсібилікті талап ететін лайықты еңбек. Қажырлы еңбектеріңіз бен іске адалдықтарыңыз үшін үлкен рахмет. Сала дамуына өмірін арнаған ардагерлерге ерекше алғыс білдіремін. Сіздер салған жол жас мамандар үшін маңызды үлгі болып табылады, — деді Нұржан Нұржигитов.
Еліміздің су шаруашылығы саласында бүгінде 29 мыңнан астам адам жұмыс істейді.