Ұшып келген соң қонақтардың көпшілігі бірден Каспий теңізінің жағалауына аттанады. Ақтауда жабдықталған жағажайлар, демалыс аймақтары және серуендеуге арналған жағалаулар бар.
Жазда мұнда жүзіп, күнге қыздырынып, су аттракциондарында жүреді. Жағалау бойында жергілікті асханамен жұмыс істейтін кафе мен мейрамханалар бар.
Қайда тұруға болады
Қала мен облыста 100-ден астам орналастыру нысаны бар. Олардың ішінде халықаралық және қазақстандық қонақүйлер желілері, демалыс базалары және глэмпингтер бар. Бағалар тәулігіне 30 мың теңгеден басталып, жоғары деңгейдегі қонақүйлерде 200 мың теңгеге дейін жетеді.
Табиғи көрікті орындар
Ақтаудан Бозжыра шатқалына ақ борлы жартастармен ыңғайлы шығуға болады. Сондай-ақ Қызылқұп аңғары, Боқты тауы, Айрақты-Шоманаай таулары, Торыш шатқалындағы Шарлар аңғары және Шерқала тауы танымал. Бұл орындар табиғат пен фотосурет әуесқойларын тартады.
Қасиетті нысандар
Өңірде Бекет ата, Шопан ата, Қараман ата, Сұлтан-үпе және Шақпақ ата жерасты мешіттерін аралауға болады.
Ұйымдастырылған турлар және шығындар
Облыста 248 туристік маршрут дайындалған. 22 туроператор жұмыс істейді, олар біркүндік және көпкүндік экскурсияларды, экологиялық және қажылық турларды ұсынады.
Бір адамға 3–4 күндік сапар, оның ішінде ұшу, тұру, тамақтану және экскурсиялар орта есеппен 250–350 мың теңгеге түседі. Тек Ақтауда қалса, шығындар азаяды. Бозжыраға, Шерқалаға және Торыш аңғарына шыққанда қосымша көлік пен гид қызметтерін төлеу қажет.